張學友及林嘉欣昨晚出席主演電影首映禮，嘉欣透露有上堂學習親子溝通技巧，認為父母應尊重子女，學友聞言即爆笑說：「係佢（女兒）唔尊重我咋嘛！」

學友與嘉欣交流湊仔心得，仲自爆囡囡唔尊重佢！

佘詩曼與張家輝都讚《暗》片出色。

蘇志威與周家怡結伴捧場。

湯怡與洪卓立情侶檔睇首映。

張學友、林嘉欣、黃秋生、羅蘭、張家輝、洪卓立、湯怡、衛詩雅及英皇老闆楊受成伉儷等，昨晚到旺角出席英皇電影《暗色天堂》首映禮，陳奕迅則低調入場，未有拍照。

嘉欣及學友同樣作全黑打扮，學友沒有帶同太太羅美薇及兩名女兒撐場，他笑說：「我做嘢，佢哋好少嚟，都唔會另外同佢哋睇。呢套戲爭議性大，費事解釋咁多！（怕個女問？）大女都大個，依家想佢問多啲，佢都唔問啦！細女就仲會問啲無謂嘢。」

爆搵副導做靶潑酒

而嘉欣自爆前年報讀了適用於2至12歲的育兒課程：「個課程有用呀！小朋友係個體，要令佢哋知道有責任，大過12歲就要識尊重佢哋。」學友聞言即笑說：「我不嬲都尊重佢，係佢唔尊重我咋嘛！」提到15歲大女瑤華早前被拍到與同學外出，學友說：「係同學啫！（個女有男友未？）冇！（會驚？）唔驚，邊度驚得嚟！」

問到嘉欣與導演老公袁劍偉合作，有何感受？學友搶答：「正囉！開心！」嘉欣續說：「其實佢好嚴謹。（有鬧你？）會討論，唔係鬧。」提到預告片中被嘉欣兜面潑紅酒，學友即踢爆嘉欣不懂潑酒，要找副導演做靶練習！

家輝預告有夫妻檔

至於家輝則大讚香港應有更多類似《暗》片的文藝片，問到日後會否參演同類電影？他說：「做演員都OK，但製作就會落多啲味精，始終自己咁多年嚟都係重口味，要商業啲。（加鹹？）哈哈！一定啦！」他又表示若將來的製作有適合角色，一定會邀請太太關詠荷參演。

文：影視組