無綫劇集《EU超時任務》一眾演員前晚齊齊睇首播，期間單立文突然施襲「強吻」，嚇得朱晨麗「O晒嘴」，在旁「食花生」的朱千雪見狀瘋狂傻笑！至於問到可會穿3點式賀高收視？朱千雪即耍手擰頭：「依家咁凍，點除！」又笑指觀眾想睇王浩信的「神鵰」再現街頭！

蠢蠢欲動
睇睇吓劇，單立文玩突襲強吻朱晨麗，嚇到O晒嘴的晨麗只懂傻笑！

飛擒大咬

嚇窒傻笑

甜姐兒朱晨麗親手餵單立文，莫非因而挑起了拍檔的「衝動」？

譚凱琪（左起）、朱千雪及朱晨麗嘟嘴賣萌，邊個電力勁啲先?

王浩信、朱千雪、朱晨麗及單立文等，前晚在九龍城睇劇集首播。期間，單立文突然興起「強吻」朱晨麗，令她嚇得擘大口得個窿，朱千雪則曲晒身在旁傻笑！自掏腰包請食飯的千雪表示對首集收視有信心，相信新劇成績會愈來愈好：「聽聞天氣差，收視會好啲！」問到若收視突破一定點數，會否着3點式祝賀？她即耍手擰頭：「依家咁凍，點除！」又笑指觀眾比較希望見到王浩信再次只穿孖煙囪在街頭奔跑騷肌！

王浩信氹千雪「打底」跑街

王浩信早前拍攝新劇《致命復活》時受傷，飯局前要先到醫院檢查而遲大到，問到檢查結果如何？他透露醫生指其身體機能一切正常，可以繼續拍攝餘下的戲份：「係有啲感冒底要清，多謝大家關心！」他又笑指若《E》劇收視過30點，會說服袁偉豪及朱千雪等同劇演員齊齊穿內衣褲跑街：「我唔介意呀！我有經驗，一定要回饋觀眾！」但明言不敢挑戰穿T-back跑步，以免被投訴影響市容！

譚凱琪煮得兩味未嫁得

至於譚凱琪早前在《Sunday好戲王》贏得10萬獎金包括不少廚具，問到經常下廚的她是否學廚等嫁？她即表示與對象仍在深入了解中：「未去到（拍拖）呢個階段！」

文：影視組