玄學家李丞責和前港姐劉倩婷於本月剖腹誕下7磅重的女兒，取名仟辰，有港姐靚媽的遺傳，BB女面尖鼻高，手長腳長，嘴仔似足媽媽，大眼睛則似爸爸。

BB仟辰面尖鼻高，嘴仔似足媽媽，大眼睛則似爸爸。

李丞責與劉倩婷抱着B女仟辰愛不釋手。

劉倩婷因餵人奶而不可以減肥。

李丞責設計、找來朋友畫了漫畫卡及作了首詩，通知朋友倩婷生了BB。

這對新手父母前晚齊齊接受訪問，二人均對小生命來臨而感到興奮萬分，即使面對湊BB冇覺好瞓等苦況也未有怨言，日夜享受湊B樂的李丞責雖然瘦了20磅，仍樂在其中，他說：「最開心BB食得、瞓得又屙得，太太都瘦咗20磅，但餵人奶又唔可以節食減肥住。（擇吉日開刀？）原本係擇咗，去到醫院，BB就作動，所以過程好順利，時間配合晒！（會再追？）湊大一個已經好大心血，暫時未諗住！」