聲稱不在香港的Tasha昨日接受本報電話訪問，對於蔡一鳳指有另一位名人也遇到同樣事情，Tasha感到莫名其妙：「我絕對冇可能亦都冇去誣衊過佢所講嘅名人朋友，我連佢講邊個名人朋友，我都唔知邊個，如果有，叫佢講埋出嚟！佢話我想上位想紅，我想講我從來都冇諗過入娛樂圈，之前都講過，我只係喺討論區宣洩，從來冇主動向傳媒爆過任何料，我嘅相都係畀人起底，請問成件事我從中有咩得益？我一蚊都冇攞過！呢啲咁唔開心嘅事對一個女仔嚟講，好馨香咩？」

對於盛品儒避談曾否發生性行為，更以「震驚」及「可能性不大」來回應Tasha聲稱為他墮胎，Tasha說：「根本明眼人就知咩事！佢要講咩我控制唔到，成件事已經對我好大打擊，我有我嘅新生活，件事已經告一段落，大家河水不犯井水！」