《鴨王》男主角何浩文昨日在社交網自爆收到「問價」短訊，他受訪時表示拍了《鴨》片後不時收到類似短訊：「依家每日大約收到十個，可能啲人太投入我電影入面個角色，換個角度諗都幾開心，演出得到肯定，但可能啲人分唔開電影世界同現實，當然我唔會咁做啦！」問到對方要求甚麼「服務」時，他說：「佢哋啲帳戶好多都係空戶，要求我留低電話再搵人覆我。（男定女？）唔知，我覺得可能係中間人，試過有人提出三日陪人去遊艇玩，話不少於7位數，都係嗰句：『我唔會囉！』」

何浩文表示每天都收到十個問價短訊。