人妻胡杏兒昨日以性感黑色喱士透Bra晒罅Look出席活動，決戰一眾小師妹！連向來以性感見稱的周秀娜，以及「開中門」的何佩瑜，亦不及她吸睛！文：影視組

胡杏兒

晒腿撐場的周秀娜不及透視的杏兒搶鏡。

Jeana大開中門，卻不及透Bra的杏兒吸睛。

杏兒擔心效果搞笑，揚言不會夫妻檔拍廣告。

Chilam表示公司愈來愈壯大，令他很有安全感。

胡杏兒、張智霖（Chilam）、周秀娜、何佩瑜（Jeana）、王宗堯、連詩雅、蔡瀚億、周柏豪、何浩文、石詠莉及雨僑等，昨日與中國3D數碼老闆蕭定一出席《中國3D數碼合併HMV發布會》。

老公冇睇過套衫

杏兒自去年底與圈外男友李乘德拉埋天窗，並展開馬拉松式蜜月後，昨日以性感黑色喱士透Bra Look示人，成為焦點，連向來以性感見稱的周秀娜，以及「開中門」的Jeana亦不是杏兒對手。

談到性感打扮，杏兒說：「今日開心吖嘛！冇乜點做安全措施。（做咗人妻變開放？）做人妻前都間中開放！老公冇睇過套衫，佢唔係好理我呢啲嘢，只擔心拍戲對手，話要問過佢先，呷醋喎！拍拖嗰陣有內地綜藝節目搵我哋情侶檔，但佢話自己講嘢唔叻、唔識普通話。（夫妻檔拍廣告？）唔諗，怕效果好搞笑！」

Chilam爆老婆怕雞

Chilam談到公司在銅鑼灣旗艦店設立其個人CD及電影DVD專區時說：「公司愈來愈壯大，令我好有安全感。（獨享一哥待遇？）唔好咁講，公司資源分配得好好，我都諗吓有咩可以做，等同公司藝人多啲機會。」他又提到早前偕老婆袁詠儀為綜藝節目放生雀鳥，他說：「佢逢鳥類都驚，因為曾經畀雞啄過，不過食雞冇問題，諗過帶佢睇心理醫生，最終取消，等我有籌碼喺手嘛！」