王菀之（Ivana）昨日現身電台，宣傳去年與管弦樂團合作開騷的DVD，着鬆身衫的她孕味甚濃，加上早前在網上晒出與蘇菲瑪素的合照時同樣穿了遮肚衫，難免惹來大肚疑雲。問到是否婚後不設防？她說：「新年食多咗咋嘛！」至於日後可會有好消息宣布？她說：「唔係，今年啲Project都好滿。（驚打亂計劃？）唔係驚嘅，呢啲睇緣分囉！」她又表示婚後除工作外，亦喜歡做「跟得人妻」：「要做個好太太，保持屋企清潔，會做家務，同埋唔想錯過老公任何一個騷，佢喺外地工作都會想跟埋去。」

到電台宣傳的王菀之穿鬆身衫，再惹懷孕疑雲。