對於小齊差點中招冇晒成副身家，古天樂昨晚出席活動時大感愕然，但自言曾有過被盜用信用卡的經歷：「當時銀行發現有筆過數唔對路，當然冇過到數，仲打畀我問，我覺得對方好蠢，同一筆數過唔到數又過，連過幾次添，我人喺香港，但筆數就喺美國簽嘅，最後為安全起見，都係取消張卡！」

跟小齊同屬「男人幫」成員的梁漢文（Edmond）說：「上星期我哋喺北京做嘢，佢一去到酒店已經講呢件事我知，如果真係就好麻煩，好彩銀行覺得個數額咁大覺得奇怪而通知小齊。」Edmond表示大家都應該有警覺意識，他一直有知會銀行：「如果信用卡簽帳過咗某一個數目，或者轉錢多過某一個數額，我要求銀行Message（通知）我知問清楚。」他也叮囑大家網上密碼盡量不要太簡單：「不過幾複雜嘅密碼都可能被黑客入到。（小齊電腦可能有好多個人資料？）我諗佢都幾頭痕！（佢今日報咗警？）啱(口架)，事態嚴重，尤其牽涉可能唔係淨係錢嘅嘢。」另一成員蘇永康得知事件後說：「咁大鑊！嚇到唔識回應……」黃家強則認為重要文件還是鎖在夾萬比較好，盡量不要在電腦上線時處理太私人事務，比較安全。