藝人董敏莉（Monie）跟很多女孩子一樣，自小已喜歡儲毛公仔，特別偏愛一隻1981年版的加菲貓公仔，是6歲時媽媽買給她的，她不但暱稱公仔做「阿肥」，更愛為它扮靚靚，為它買下多件不同種類的衣服、飾物及鞋，保守估計已儲下約過百件收藏品。

董敏莉對加菲貓「阿肥」情有獨鍾，買了不少衣服、飾物及鞋為它扮靚。

Monie透露自三年級開始買衫仔為「阿肥」打扮：「佢第一件衫我依家仲Keep住，慢慢有新衫着，例如唔同公仔衫、初生嬰兒衫，亦試過返內地搵人度身訂造一套西裝畀佢着。佢仲有唔同玩具，例如保齡球、MP3機等等，我亦有帶佢去旅行同一齊演出。」

錫到「阿肥」燶的Monie透露它有很多朋友，因為之前有粉絲到外國讀書時訂了很多加菲貓公仔給她：「有Fans專登訂咗隻1981年版嘅加菲貓公仔，我睇吓可唔可以移植隻眼落『阿肥』度，因為我細個成日將佢拋高，掟爆過佢隻眼，我阿哥就係佢嘅眼科醫生幫佢醫治。」