高海寧將與謝賢結劇緣，雖然對手戲不多，但她表示對謝賢有親切感，原因竟與謝霆鋒有關。

楊明（左起）、高海寧及張嘉兒出席活動分享煲劇樂。

高海寧（高Ling）昨日與楊明及張嘉兒到紅磡出席「3香港 x 3家居寬頻 x myTV Super」宣傳，三人均表示會好好使用大會送的數據卡上網，剛從印度拍節目返港的楊明，與近日忙搞外語教育生意的張嘉兒異口同聲表示，可以用來煲之前未睇的劇集。

心思思搞生意

自認煲劇迷的高Ling透露，稍後將與謝賢結劇緣：「有份參與王晶重拍嘅《千王之王》，雖然同謝賢冇乜戲份，但好想見佢，因為我係謝霆鋒Fans，話唔定有種親切感。（唔驚謝賢啲掌風？）唔緊要，我會避！」又表示想效法張嘉兒投資生意：「想投資美容生意，自己比較了解，食肆就唔識喇，依家喺度等緊可以合作做生意嘅Partner出現。（搞內衣生意？）都有諗過，但怕競爭大，如果第一次做生意，做內衣會吃力！」

文：影視組