殿堂級歌手肥媽打算舉行兩場告別演唱會後便榮休，騷上邀得多達15個單位做嘉賓，家人亦有捧場。銀幕播映兒孫的家庭照時，她多次爆喊，非常感動。

肥媽同草蜢「一起森巴舞」，掀起全場高潮！

祥仔「盛裝上陣」送笑彈，唔講仲以為肥媽多咗個孖生細妹！

陸浩明乖乖趷籮，任由肥媽在台上打Pat Pat「教仔」！

現年62歲的肥媽（Maria Cordero），前晚在紅館舉行一連兩場的告別演唱會《肥媽友誼長存30周年演唱會》頭場，獲薛家燕、導演劉偉強及富商林建名捧場。其外籍老公負責打鼓，她更邀得草蜢、巫啟賢、阮兆祥、盧海鵬、羅敏莊及小肥等擔任嘉賓。身穿閃銀長裙的肥媽扮下廚為演出揭開序幕，並解釋因唱足30年而錯過了子女的成長過程，現時很想陪伴孫兒長大。

她先請出契仔陸浩明上台，更兩度拍打他的屁股。而嘉賓黑妹及羅敏莊均谷胸上陣，肥媽笑言要即場為黑妹介紹黑人結他手，又不忘出口術讚老公：「今晚Band入面最靚仔嘅就係我條佬！」騷上有段小插曲，事緣肥媽與歌迷握手時不慎弄掉紀念鑽戒，幸而有工作人員在台邊檢回。

盧海鵬試咪「媽媽聲」

嘉賓阮兆祥緊接出場，更穿上肥媽的長裙及高跟鞋模仿放笑彈，肥媽即笑問：「你個胸點整出嚟？」其後祥仔以「肥媽初戀情人」介紹盧海鵬出場，以閃爆造型登場的盧海鵬甫上台即大叫「試咪」：「你X母！」令全場爆笑！

至演唱會尾聲，肥媽演唱《媽媽I Love You》時多次感觸落淚，而大屏幕播出兒孫的家庭照，她的孫兒此時上台獻花。至於草蜢壓軸出場，他們大讚肥媽「胸襟大」，肥媽即笑說：「我個胸一向大！」四人合唱《將冰山劈開》，為演唱會畫上句號。

文：音樂組