娛樂公司老闆諸葛紫岐（Marie）昨晚以銀色拼白色晚裝裙出席慈善晚宴，她坦言為是次活動而把結婚紀念之旅推遲：「聽日係我哋結婚四周年，原本已經訂咗酒店同機票，但因為嚟今晚活動，所以改期。（計劃去邊？）老公（薛嘉麟）話畀驚喜我，不過佢通常都冇乜驚喜畀到我。（好期待老公送嘅禮物？）都冇，期待會失望。」問到會否造人當禮物送給老公？Marie坦言要看天意，而且要雙方時間配合。

諸葛紫岐與打扮性感的Victoria合照。

另外，對於有傳旗下公司女星莊端兒結婚，Marie聞言即時「吓」，問到是否不批准對方結婚？她說：「我公司都有人結咗婚，其實我唔想莊端兒咁快結，想佢工作行先。之前有個女藝人都話我公司桃花好旺，想自薦過嚟我公司，因為想旺桃花！」