袁偉豪與吳家樂在五年前迷上電單車，不時相約齊齊揸電單車遊車河，袁偉豪更豪花六位數字換車款換大匹數的電單車，不過二人不追求速度，只享受揸車的樂趣！文：影視組

袁偉豪（左）與吳家樂迷上電單車，不時相約遊車河。

袁偉豪考牌兩年，換過五次車，目前擁有的是價值六位數的800cc電單車。

吳家樂考牌五年來換過七次車，現時有兩架1,000cc電單車。

袁偉豪（Benjamin）與吳家樂老友鬼鬼，不過並非因電單車而結緣，而是跳舞！Benjamin稱於2007年加入無綫後，首個工作是參與節目《舞動奇迹》，二人因而變得熟落，當時他們並未成為電單車迷，而令他們沉迷於電單車的「幕後兇手」原來是謝天華與馬德鐘！Benjamin說：「2010年拍《洪武三十二》嗰陣，同天華、德鐘合作，嗰時開始講電單車。」家樂笑指當時大家討論得興高采烈，未幾與天華分別考得電單車牌，眾人就慫恿Benjamin考牌。

收綿羊仔勁Happy

Benjamin是被好友影響而愛上揸電單車，他說：「以前覺得好危險，後來跟埋佢哋去遊車河，佢哋揸電單車，我就揸私家車，發現其實揸電單車都唔係好危險。」最後他在2014年考獲車牌，更獲好友送綿羊仔作生日禮物：「嗰時啱啱考咗牌，工作又唔係好多，天華、家樂、雷頌德佢哋成班朋友夾份買咗架綿羊仔畀我做生日禮物，我開心到不得了！真係好多謝佢哋！」

家樂已婚育有三位小朋友，Benjamin則與女友岑杏賢關係穩定，問到揸電單車有否被伴侶反對？家樂說：「我個人比較謹慎，而且仲要40歲先學，個人比較定，自己都已經係爸爸，知道有責任在身，如果交通燈已經轉緊我唔會衝、有車跟太貼我都會揸前少少。」因此家樂的太太放心讓他揸電單車。Benjamin則表示女友不但支持，亦不時坐他的電單車。

封路飛車安全至上

二人愛電單車，因此在拍攝劇集《鐵馬戰車》尤其興奮，Benjamin說：「喺套劇入面我係交通警，可以着交通警制服，又可以揸到想揸嘅車，梗係開心啦！」家樂則飾演較高級督察，只有一場揸車的戲份，不過很開心被導演邀請「客串」其中一場飛車戲：「嗰場戲係講有班飛車黨，我哋就出自己架車、Call埋車會幫手。（影背脊？）戴頭盔就睇唔到個樣啦！」不過，他補充指當日拍攝場地已封路，飛車場面亦較了快鏡，故十分安全。Benjamin則說：「攞正牌飛車喎！心情好興奮！」並坦言拍攝此劇十分開心，收工都捨不得回家，因現場有不少電單車指導，可以不時交流心得。