現年68歲的無綫監製李添勝前晚筵開22席榮休宴，愛將鄧萃雯、黎耀祥、胡定欣、陳山聰和陳展鵬等到賀，鄧萃雯透露當年促成拍攝經典劇《巾幗梟雄》原來僅花了一支煙時間。文：影視組

一眾藝人出席榮休宴，歡送金牌監製李添勝。

曾與李添勝合作拍攝《巾幗梟雄》的胡定欣亦有到賀。

惠英紅（左起）、鄧萃雯、李添勝及謝雪心合照留念。

效力無綫近半世紀的金牌監製李添勝前晚舉行榮休宴，多位視帝視后到賀，談到退休的感覺，他大感不捨：「人始終要退落嚟，因為體能出咗問題。」又表示多年來最滿意的作品包括《火鳳凰》、《網中人》和《親情》，他說：「最近再睇《鹿鼎記》又幾得意，再拍都搵唔番嗰兩個主角。（有冇請梁朝偉嚟？）今晚冇特別邀請邊個。」

「神仙棒助夢想成真」

帶同字畫「高風亮節」到賀的鄧萃雯透露，促成他們合作經典劇《巾幗梟雄》只是短短一支煙的時間：「之前冇機會合作，嗰陣聽聞佢就退休，有次見到添哥食煙，就走埋去叫添哥搵我拍劇，3日之後添哥就打畀我，佢好似我嘅神仙棒將夢想變成真。」黎耀祥則因工作姍姍來遲，他代表台前幕後送上「黃金監製」Figure公仔祝賀，他說：「有添哥我先有今日，好唔捨得咁有公信力、咁有民望嘅監製。」