羅嘉良、李佳芯和李成昌昨日於電視城拍攝無綫新劇《與諜同謀》，嘉良表示在港拍攝外景時，覺得天氣冷到要搵保暖內衣打底，笑說佩服佳芯可以若無其事地在這天氣穿裙開工一天！由於將滿三歲的女兒將於下月在北京搞生日派對，嘉良將向劇組請假：「學校幫囡囡搞生日派對，應承咗一定要返去出席！（好掛住阿女？）囡囡成日都話掛住我，又會問候我，大家都係視像溝通。」至於佳芯於劇中有個五歲兒子，雙方交流後令佳芯母性大發，問可會考慮未婚生B？她說：「我婚都未結喎！冇諗過，自己拍拖都唔鍾意高調，可能到大家知我已經結婚，但係自己都鍾意一步一步嚟。」

羅嘉良見李佳芯在寒冷天氣仍能着裙拍攝，笑言佩服！

羅嘉良（左起）、李佳芯及李成昌認真地拍攝外景。