劉心悠昨日現身香港機場出發到峇里，為出任吳奇隆及劉詩詩婚禮的伴娘作準備，問到預備了甚麼結婚禮物？她說：「之前送咗玻璃杯，見到啱嘅再送。（搶花球心情緊張？）唔知會點安排，因為交咗畀間公司處理。（有幾個伴娘？）我都唔知，我都費事煩詩詩，我諗《步步驚心》會人齊嘅！（仲有咩嘉賓出席？）唔知，都唔需要問嘅。」

伴娘劉心悠昨日飛往峇里準備。

難得去到峇里，當然要曬太陽，問到有否帶性感泳衣游水？心悠說：「應該唔得閒，好多嘢要幫手。（新人婚前婚後有Party？）唔知，佢哋婚前我要開Meeting。」

問到覺得詩詩婚前心情如何？她說：「見到佢先問佢，我唔想煩佢，呢排我哋都冇WhatsApp。（見到詩詩嘅婚紗相，會唔會恨結婚？）唔恨，要牽動咁多人唔係我Style，我會低調。」又指是次峇里之行使費由一對新人包起。