小方在記者會回應與Stephy分手時，說到傷心處忍不住流淚，作為Stephy好姊妹的區文詩（Angela）說：「我有睇，我覺得好Sad、可惜，但我冇刻意為咗呢樣嘢同Stephy傾。（Stephy心情點？）佢好成熟OK嘅。（公布咗分手係咪鬆一口氣，毋須隱瞞？）正如Stephy所講，呢個決定幾沉重，我覺得呢段時間大家焦點都喺佢哋度，未可以話鬆一口氣。」Stephy向她們傾訴情變時可有痛哭？她說：「佢心情、情緒點等佢自己講。」

問到小方指兩人因有解決不到的問題而分手，她可知因由？Angela說：「十年感情，當事人又好，局外人又好，大家拍過拖都經歷過，唔係三言兩語講到。」被問可會陪Stephy出埠散心？她表示大家經常一齊，也不時四圍飛，作為朋友她隨時Standby，再問若對着Stephy時是否刻意不提小方，免觸動傷處？她說：「我哋關係好好，有咩事都會講。（介紹男仔畀Stephy識？）言之過早，依家最緊要畀時間、空間佢哋。」