金剛女友蕊蕊及師妹黃䔮晴(Milkis)日前出席步行籌款活動，並擔任起步嘉賓。雖然要早早起床做運動，但她們為做善事冇有怕，全程心情興奮，不時被途人「集郵」！

蕊蕊（左）帶埋師妹Milkis身體力行做善事，早少少起身都冇所謂啦！

蕊蕊表示平日有留意時事，明白弱勢社群的情況：「知道有唔少人仍然係喺貧窮線下生活，好希望可以做多啲慈善活動，例如探訪活動，去老人院唱歌畀佢哋聽，幫得幾多得幾多！」Milkis則希望可以感染身邊好友做善事：「平時自己做都唔夠，最好叫埋屋企人同身邊朋友一齊做，咁就可以聚沙成塔！」