B.Gs三缺一 Welcome新成員加入

組合B.Gs早前出席活動時表示，成員Onna因成績不達標將離開組合：「我哋公司每年都會有個年度考試，總結我哋嗰年出席率同遲到早退，又會睇番我哋每個人唱歌跳舞嘅工作表現，Onna今年有時候可能差少少，會畀機會佢改善吓。」但她們指未來會有新成員加入：「我哋都好唔捨得Onna，始終都相處一段時間，但如果轉過一個新成員我哋都好歡迎，最希望新成員唱得跳得睇得，入得B.Gs相信都會同我哋好好相處！」