麥明詩與蘇麗珊昨日出席活動時大談浪漫史，麥明詩透露男友林作上網買書學製造浪漫，蘇麗珊則獲男友游學修送保鮮玫瑰花外加肉麻字句，冧到爆！文：影視組

麥明詩（左）與蘇麗珊大談與另一半的浪漫事。

麥明詩（左一）、新鴻基地產代理租務部總經理鍾秀蓮（右二）及蘇麗珊（右一）一同出席揭幕禮。

港姐麥明詩（Louisa）、影壇新貴蘇麗珊及新鴻基地產代理租務部總經理鍾秀蓮，昨日出席世貿中心舉行的「春姿花漾。藝術遊園」揭幕禮，Louisa透露大狀男友林作早前上網訂購有關製造浪漫的書籍，問到男友平日有否情趣？她說：「佢搞Gag囉！但有時都想Sweet啲！其實佢喺食物籃放晒我鍾意嘅食物我都好感動，不過佢未做過囉！」至於這是否意味二人尚未很了解對方？她即力撐男友，表示他倆也算了解，認為細水長流的戀愛更為重要，更對男友早前於網上留言為她出頭感心甜：「但我都叫佢以後唔好講咁多，唔想影響其他人。」對於下月與謝賢拍攝無綫新劇，Louisa望大家高抬貴手，不要給予太多負評。

蘇麗珊愈惡心愈冧

另外，蘇麗珊表示男友游學修雖然一點也不浪漫，但早前卻做了一件令其冧爆的事，她說：「我哋都鍾意小王子故事，之前睇完套電影，佢送咗一朵保鮮玫瑰花畀我，仲喺張卡節錄咗電影入面嘅說話，大概係話我係佢惟一嘅玫瑰花，係好惡心，但我好冧！」談到方力申與鄧麗欣10年情也分手收場，蘇麗珊表示震驚，但相信世界尚有真愛：「我哋得半年，到10年先算，不過暫時都OK！」