小方與Stephy分手，從命理上可看到玄機！堪輿學家陳子才說：「小方屬猴，今年佢夫妻宮又迎又合，代表唔結婚就可能分手。同時今年可能出現家宅不安，長輩身體有毛病，依家兩個現象同時出現，可能佢真係有諗過結婚，屋企引起觸發點，令兩人睇法有啲唔同，導致分開。」談到鄧麗欣的命格，他說：「佢命格有術語叫招架不定，即係心大心細，想結又唔想結。而佢代表丈夫嘅星，相害或者相穿，重大矛盾，唔容易解決，結果分手。」他又表示二人已錯過「結婚年」：「2012年及2013年係最適合結婚，所以當時會比較多傳出婚訊，但依家可能已經拖得太耐。」

陳子才

不過陳子才亦認為二人有可能復合：「可能性絕對有，鄧麗欣夫妻宮有個代表舊相識嘅桃花，代表佢比較易對前度或舊友等動情，而2017年小方命盤同樣有呢個舊相識嘅桃花，可能佢哋會冷靜落嚟，喺番一齊。」