早前到加勒比海拍攝特輯的洪永城，昨日出席活動時表示當地的女士很狂熱、熱情，笑言做這行非常講定力。至於與男友強強發展異地戀的岑麗香，被問見到好友鍾嘉欣修成正果會否對戀情更有信心？她甜笑說：「最重要係雙方能夠多啲溝通。」

各有所屬的洪永城與岑麗香十分好傾，難道是交換戀愛心得？

蔡思貝將出發往新西蘭，重返中學拍攝。

麥美恩（左起）、陳凱琳、麥明詩、蔡思貝、岑麗香和宋熙年，昨日齊齊出席TVB記者會。

洪永城（Tony)、岑麗香、蔡思貝、陳凱琳、麥明詩和宋熙年等昨日出席《TVB 2016綜藝節目暨海外合作記者會》，早前到古巴拍外景的Tony，大讚加勒比海女士很熱情、很狂熱，問到有否影響他與女友唐詩詠的感情，他笑說：「冇錯，呢一行好講定力嘅！（日日畀人Check住？）真心話唔使講出口。（放假同女友去旅行？）佢遲吓都好似拍電影，不過未Confirm，我有時間都想同佢去多啲地方，佢依家喺德國。（過去搵佢？）可能啦！總之會有個Surprise，做完會講畀大家知。」

蔡思貝重返中學校園

至於與男友強強發展異地戀的香香，被問見到好友鍾嘉欣修成正果會否對戀情更有信心？她甜笑說：「身邊好多朋友都係，嘉欣結埋婚，王君馨一對已經十年，重點唔係地方嘅問題，最重要係雙方能夠多啲溝通。」

至於即將出發到新西蘭的思貝將重返中學校園拍攝，問到會否擔心學歷受質疑一事被重提？她說：「唔會嘅，都係中學嘅開心回憶。」談到早前邊揸車邊為騎電單車的男友拍照，被指涉危險駕駛，她說：「都係影相留念啫！電單車新買，知道自己一時疏忽、唔啱，唔記得咗，諗住影一張就算。」

文：影視組