陳瀅與組合C AllStar昨日現身復活節活動，身穿露肩裝加短褲的陳瀅更即場示範跳彈床，她自爆試過跳彈床時被踢面：「16歲嗰陣學跆拳道，覺得好威，就撩師兄邊跳彈床邊踢，我畀佢踢到塊面，即時勁喊，咁大個女第一次畀人打，我個鼻有少少歪都係因為咁。」

陳瀅自爆細個跳彈床時曾被「打」，但原來與她百厭逞強有關。

另外，她透露剛由溫哥華探婆婆回港，男友何猷亨未有同行，問會否帶男友見婆婆？她笑言會叫婆婆睇報紙，至於為何手腕貼上膠布？她解釋：「喺溫哥華畀貓抓傷，因為個傷口好似割脈，所以用膠布遮住。」對於被網民大讚素顏好看，她表示經常花心機保養及護膚，男友亦見過其素顏。