懷孕五個月的關心妍（Jade）昨日在電話中被問到官恩娜（Ella）在更衣室餵哺母乳時，遭不禮貌對待，她稱餵哺母乳在外國屬平常不過的事，曾見到有媽咪在餐廳餵哺BB，因為BB對媽咪是最重要的，外界不應有憎厭的表現：「Ella都匿埋喺更衣室餵啦！我睇到呢單新聞都覺得好奇怪，點解會發生呢啲事呢！」她提倡香港倣效外國，分別在辦公室或在公眾場所增設餵哺室，方便媽咪隨時照顧孩子。

另外，Jade昨日踩住高踭鞋出席活動：「你睇佢好似四吋咁，其實得兩吋，呢對係可以出街嘅，我依家着平底鞋好似唔識行，都要同屋企人申請。」還有四個月分娩的她表示現在要萬事小心，為免惹上流感，出入有空氣清新機和消毒用品跟身：「下個月開始會喺屋企養胎，月尾先會知性別，改名要跟族譜，有個『榮』字，楊榮X。」她笑言希望胎教令BB成為幫助別人的小朋友！