對於餵母乳的母親面對一定的煩惱，楊千嬅認為育嬰室在香港不太普及，經常令母親帶來不便，她說：「我相信好多餵母乳嘅母親都試過，我都試過喺廁格入面（餵母乳），係有一啲困難嘅，其實餵人奶係一件好偉大嘅事，對小朋友健康都好好。」她表示全球都鼓勵餵人奶，希望有關方面關注，能提供育嬰室等服務、給予空間給母親和小朋友。

千嬅大讚餵人奶是一件偉大的事！

而兩女之母兼餵母乳的鍾麗淇對於官恩娜在更衣室餵母乳被中年婦侮辱，她指摘該婦人沒禮貌，坦言不少朋友有類同遭遇：「我對於佢嘅經歷唔覺得出奇，因為身邊好多媽咪朋友都試過餵人奶時畀人當場鬧。」她慨嘆在港餵母乳壓力大：「要用布遮遮掩掩，好似做緊啲唔見得光嘅事，我試過喺酒樓餵人奶，我已經用布遮住，但都引嚟好多奇異目光，最後要入職員更衣室餵奶。」她認為最有效的改善方法是加強公眾教育，令大眾接受女性在公眾場所餵母乳。

至於正在瑞士工作的兩女之母蔡少芬，接受本報訪問時坦言不明白為何還會有人對母乳餵哺那麼無知，更大呼悲哀：「作為餵過母乳八個月嘅我，我其實好尊重餵母乳嘅媽媽，呢個係好神聖同偉大，唔認識嘅人實在太愚昧喇！」她覺得那些人很沒禮貌：「嗰陣我都專登去商場餵母乳嘅地方餵，但有時小朋友真係好肚餓，佢又要飲奶，未必係餵母乳地方，但都係Privacy地方，我哋藝人再搵啲布遮掩晒，呢個係值得尊重，街上人唔應該戴有色眼鏡。」