張繼聰、林盛斌（Bob）及白只昨日出席會展影視博覽會活動，宣傳太陽娛樂電影《毒L神探》及《今晚打喪屍》。繼聰近年在影視界多產兼口碑好，今次同時接拍兩片，在旁的Bob誇獎說：「講玩晒一定係張繼聰。」不過繼聰笑言要從Bob手中搶回晚宴主持的市場，亦對大家合作感期待：「其實兩部戲都係夢幻組合，Bob之前拍電視劇《老表，你好hea！》時已經話想拍電影，而白只就係由細玩到大，兩兄弟。我都鍾意睇喪屍片，好似封咗條彌敦道打喪屍咁，依家終於有機會。」

Bob（左起）、白只及張繼聰將合作拍新片，相信定會擦出火花。