黃柏高與鄭保瑞監製新片《狂獸》昨日舉行發布會，文詠珊（JM）、張晉及吳樾均有出席，演大賊的余文樂則拍短片談角色，現場宣布電影投資逾1億人民幣，分別到泰國、香港及內地取景。導演李子俊計劃拍攝八號風球下海底打劫戲，令花名「文怕水」的JM大叫怕怕：「場戲我要救人，希望用特技交代到啦！我細個遇溺，感覺就嚟死，之後我試過學游水，但真係唔得，有心理壓力！」

林家棟（左起）、張晉、JM和黃柏高，昨日出席新片發布會。

文詠珊（JM）

張晉（右）開心地與吳樾握手。

而張晉亦覺得水底拍攝有難度：「成隊Crew落晒水，我諗要接受吓潛水訓練。（你識？）唔夠專業，今次海陸空出齊，其實拍戲好多時都有生命危險。（老婆唔嘈你？）佢鍾意潛水，佢好多嘢叻過我。」而黃柏高透露下周將出席吳奇隆婚宴，正煩惱買甚麼賀禮。