青雲自誇鞭長 古仔短小精悍
劉青雲、古天樂及彭于晏（Eddie）在記者會上以武會友宣傳民初新片，手執短槍的古仔自認「短小精悍」，大鬥「長鞭」青雲，而大刀Eddie亦自認皮膚狀態好，無懼角色滿面鬍鬚。 文：影視組
青雲手持兩米長鐵鞭即場揮動示範，並大講有味笑話。
青雲
拿着道具手槍的古天樂自誇「短小精悍」，十分搞笑。
舞大刀的彭于晏表示，為角色黐滿鬍鬚犧牲靚樣。
彭于晏
《危城》一眾演員昨日出席《香港國際影視展》，齊齊在台上祝酒。
本屆《香港國際影視展》昨日開鑼，眾型男青雲、古仔、Eddie、江疏影、洪金寶及吳廷燁等為民初主題的寰宇電影《危城》宣傳，席間眾人更亮出「兵器」，宣布《危》片將於6月上映。
手握短槍的古仔被主持區永權問到會否怕兵器太細不及「長鞭」青雲及「大刀」Eddie搶鏡時，古仔即大講「有味」笑話兼自誇：「我短小精悍呀！我拍得最輕鬆，開槍就得，所以唔使點打。」而青雲亦不甘示弱，臭「味」相投形容自己「鞭長」已是公開的事實，令台下觀眾有所意會而捧腹大笑。
練鞭打到周身痕
《危》片動作導演洪金寶大讚鮮有動作演出的青雲今次表現良好，青雲即表示感謝，更憶述當時「練鞭」過程：「我去到外景場地練咗3、4日，練鐵鞭初時，佢哋係畀條膠鞭我試嘅，同埋着晒Pad保護，因為用真鞭會打到人爆缸嘛！嗰時經常打到自己，雖然唔痛，但見到全身衣服都有打痕。（再下一城？）冇諗喎，不過依家啲特技拍攝，好幫到演員自己做番啲動作。」而大奸角的「短槍」古仔則在旁笑說：「下次條鞭5米呀！唔知係咪我支槍太勁，拍咁耐都冇乜見過青雲條鞭！」
Eddie滿面鬍鬚
而「大刀」Eddie在片中亦需黐滿面鬍鬚，雖面臨酷熱的拍攝天氣實令他大感辛苦，惟他亦因與古仔和青雲等合作得益不少。問他可曾因黐鬍鬚令皮膚過敏？他笑說：「我的皮膚不爭氣，狀態非常好，不能要求休息。」
