吳雨霏（Kary）和好友周柏豪前晚為東華三院的慈善音樂會演出，穿六吋高踭鞋的Kary不慎兩度仆倒，她自嘲：「仆倒嚟！」 文：音樂組　攝：林蔚恩

穿六吋高踭鞋的Kary行出場外受訪時不慎仆倒。

為慈善音樂會演出的Kary自彈自唱。

拉傷膊頭的柏豪頂硬上打鼓。

吳雨霏、周柏豪、連詩雅、吳業坤、草蜢與AGA等前晚為東華三院的慈善音樂會擔任表演嘉賓，Kary和柏豪首次在台上合作，齊齊彈結他演唱。演出後，穿六吋高踭鞋的Kary行出場外受訪，因地面不平而仆倒，其後再做電子傳媒訪問時又再仆一次，Kary笑說：「為做慈善仆倒嚟！」

口密拒爆Miki婚事

Kary表示因香港天氣不時變而病足兩個月：「發燒、流鼻水樣樣中晒，知道今日要表演都有小心啲。」問到老公為何不照顧她？Kary即說：「佢喺度呀！」談到好姊妹楊愛瑾（Miki）、鄧麗欣與區文詩早前到泰國旅行，她卻未有同行，Kary說：「呢個係Miki嘅Bridal Shower（新娘婚前派對），但我錯過咗，因為要開工，冇辦法。」問到Miki是否在外地舉行婚禮？自言口密的她說：「我唔知呀！你問佢啦！（年中請咗假？）我唔知呀！呢個等佢答，佢都係想簡單為主。」

柏豪打鼓拉傷膊頭

另外，柏豪稱為今次慈善演出再次練打太鼓，卻不慎拉傷膊頭，他說：「因為練習時候太盡力去打，就拉傷，惟有頂硬上，過埋今晚先睇醫生。（女友幫你按摩膊頭？）冇呀！愈掂愈痛，呢啲等醫生搞啦！」