視帝黃秋生昨日到電視城為處境劇《八時入席》試造型，他說：「今次客串兩、三集，演番黃秋生，但覺得劇本寫到唔係好似自己。我會同毛舜筠做對手戲，黎耀祥同陳國邦就暫時冇對手戲。其實我讀完演藝後，初初入無綫嗰陣都演過處境劇，嗰時啱啱畢業冇人識，多謝監製潘嘉德肯用我，之後杜琪峯睇到演出就搵咗我去拍電視同電影。」

秋生在劇中做回自己，但只屬客串演出。

對於金牌監製劉家豪及梅小青重返無綫，曾參演劉家豪監製作品《他來自江湖》的秋生說：「我同佢哋識咗好耐，喺亞視已經識。（無綫加強戲劇製作，會多啲返嚟拍劇？）睇情況，過去兩年我大部分時間賦閒在家，畀時間我搵啲錢先啦！」