屢傳婚訊的鄧麗欣（Stephy）與方力申，近日再被傳因方父患病而要結婚「沖喜」，Stephy否認，愛屋及烏的她不希望感情事影響到家人，堅決將感情事低調：「唔想再回應太多感情嘢。」 文：音樂組　攝：吳文聰

Stephy因近期有排球賽事而未能參加跑山比賽，但她亦有孭住樽大水做運動！

楊淇手舞足蹈，表現興奮！

歌手鄧麗欣、藝人楊淇及杜德偉胞兄杜德智昨晨出席慈善跑山比賽，Stephy表示因近期有排球比賽，故未能參加是次活動：「根據以往經驗，跑完之後對腳一定會痠痛一個星期，所以要留力，冇參加。」

怕感情事影響家人

提到有傳她與男友方力申計劃結婚為患病的方父沖喜，Stephy否認：「佢Daddy係做咗手術，都好成功。（計劃過沖喜？）唔會，呢啲傳聞都講過不下數十次，唔想再回應太多感情嘢。」並指方父因病和改變飲食習慣才消瘦。問到可會為方父買補品補身？她說：「我唔識補品呢啲嘢，但我諗病人反而係要食得清淡啲。」又讚小方無論任何時候都會抽時間陪家人。

楊淇少布跳鋼管舞

而同場的楊淇透露近日為舞台劇苦練鋼管舞，到時更會「少布」演出：「學咗半年，動作難度都幾高，又要拗腰得嚟有自信。到時都會少布，因為要喺鋼管上面，呢排都要瘦啲，要食少啲嘢，但都幾難，所以我情願做多啲運動！」