吳若希（Jinny）與鄭俊弘（Fred）昨日孖住舉行見面及簽名會，與粉絲預祝今天的白色情人節，吸引數百名粉絲捧場，場面墟冚。兩人除了獲粉絲送上有其唱片封套的花球外，Fred更代表大會送花給Jinny。

吳若希自爆經常收花，唔通係另有追求者？

吳若希和鄭俊弘大派玫瑰，粉絲洶湧而上！

問到是否經常收花？Jinny直言是個愛花之人：「有收花，但唔一定係情人送！就算冇人送，自己都會放新嘅一盆花喺屋企，有生氣啲！」她又透露曾與弟弟討論學生自殺問題，更指弟弟亦曾有負面情緒：「佢話唔開心時都有諗過負面嘅嘢，但好快就打消咗念頭，因為諗到我！我即刻冧咗！」問到與圈外人的感情發展，她指依然是了解中。