混血名模Ana R.與Rosemary昨日出席《Perfect Imperfections慈善時裝騷2016》，新婚的Rosemary表示過幾年才計劃生B，笑言等已育有一女Maya的Ana有多些經驗先。而Ana表示待女兒一歲後才計劃生第二個，早前已為女兒舉行了百日宴，又指家中只有丈夫和女兒單獨相處：「傭人放假，唔知老公佢搞唔搞得掂，我想快啲完咗活動就趕番去，我諗佢好緊張，我都好緊張，今次係佢第一次同個女單獨相處咁長時間，成4、5個鐘，之前都係一個鐘內，我出去買吓嘢咁。（你復工後慣唔慣？）我依家都會好掛住個女，想聞到佢陣味，同埋會睇佢啲相。」

Ana R.（左）與Rosemary均笑言老公婚後發福，是幸福的象徵。

另外，對於丈夫被指婚後發福脹爆，Rosemary說：「佢婚後好忙，生活唔定時。（但你好Fit？）我做好多瑜伽。」Ana即幫口說：「個個老公婚後都會發福，我老公都係，有位識煮嘢食嘅太太，呢個係幸福同埋愛嘅象徵。」