無綫高層樂易玲昨日現身馬場，與老公陳君毅及兒子齊齊拉頭馬，拉到頭馬的兒子更笑到四萬咁口！樂易玲在電話訪問中指愛駒「好好機會」由家族擁有，家人都將牠視為家庭成員，由於家人不在港，故由她一家三口到馬場支持。問到有否下注支持？她說：「我有買少少。（兒子呢？）雖然佢大學畢業，但入馬場都冇買，真係入去支持一下家庭成員。」提到「好好機會」跑出好成績，她笑言要「醒兩條蘿蔔畀佢」，至於會否多入場支持？她說：「我好懶，如果屋企人喺度就佢哋去啦！」

樂易玲一家三口拉頭馬，笑不攏嘴！