積極籌備演唱會的蔡楓華，日前山長水遠由筲箕灣搭巴士往中環，到快餐店歎特價漢堡包，之後企埋一邊擺甫傾電話，期間對住空氣「壁咚」傾足3分鐘，再搭巴士返歸。文、攝：追蹤組

Ken對空氣「壁咚」，張相有聲嘅？好似聽到佢唱緊「無人觸摸似廢堆」！

Ken由筲箕灣搭車到中環就係為咗食個包？

食飽就去藥房，問咗兩句就走人。

之後搭巴士返屋企，睇佢個背影都Feel到好空虛。

入行三十多年的蔡楓華（Ken），當年一句「剎那光輝未必係永恒」後，事業即跌至谷底！直至2011年，Ken在好友盧敏儀協助下復出舉行演唱會，唱過翻尋味的他，今年5月再在文化中心舉行兩場演唱會。

秒啃特價餐

積極為演唱會減肥的Ken，日前由筲箕灣寓所到中環快餐店醫肚，當日下午4時，他先在屋企附近行了一會再返上樓，約半小時後，他換上黑色Cap帽和波鞋搭$6.5巴士前往中環，落車後即往快餐店買了一個特價包和細汽水，咬了幾啖已吞晒整個包的他，坐低不夠5分鐘就走人。

Ken食飽後進入附近一間大型藥房，見他向店員詢問了幾句便步出，人有三急的他再往商場洗手間解決，及後Ken電話突然響起，停低慢慢傾的他更對住空氣「壁咚」，單手按住櫥窗玻璃，重心微微向前，未知店內的人見到Ken會有何反應呢？「壁咚」傾足3分鐘後，他搭巴士返回筲箕灣，當日Ken在中環只逗留約半小時，山長水遠食個包咪當遊車河！