無綫助理總經理杜之克為配合「優化」重組戲劇製作班底，最近亦重金聘回經驗編審：包括《學警狙擊》的朱鏡祺、《棟篤神探》的蔡婷婷及《戇夫成龍》的劉彩雲。

陶大宇與宣萱對於返無綫拍劇持開放態度。

羅嘉良近日忙為無綫拍攝新劇。

杜之克坦言要邀多位舊將回巢，迎戰「戰國時代」：「除咗已經返嚟拍緊劇嘅羅嘉良外，溫碧霞、陳松伶、陳法蓉佢哋亦都講咗會返無綫，我哋都好想搵宣萱、陶大宇、陳秀雯同鄧萃雯呢班富經驗嘅演員返嚟！之前台前幕後都元氣大傷，依家埋班嘅人都差唔多恢復原來基礎。」

對於被點名邀回巢，陶大宇說：「如果真嘅，都好開心可以再合作，對自己有信心亦對無綫有信心！因為呢個階段我都好講求劇本同對手！」而與他合作無間的宣萱昨日回覆說：「做嘢求開心，好似我接鄧特希套《隱世者們》，可以同相熟拍檔、幕後再合作會特別開心，我就大門常開嘅，無綫搵我都會傾，只要對手同劇本啱都冇所謂！」