陳智燊（Jason）與宋熙年（Sarah）孖住出席公開活動，Jason大爆兩人拍檔做司儀時經常擦出「火花」，而當他聞得獲品牌贊助全家床褥時即笑說：「一直生落去都唔係問題！」看來他想積極「造人」！

Jason自爆同Sarah拍檔做司儀時經常擦出「火花」，其實呢啲都係情趣嚟啫！

Jason與Sarah即場學鋪床單，唔通係預演婚後嘅生活？

陳智燊與宋熙年昨日為《雅蘭床褥50周年慶典》擔任嘉賓，談到以情侶檔出席活動，Jason說：「做活動司儀嘅拍檔比較多，成日擦出『火花』。（返屋企鬧交？）喺現場都鬧啦！有時真係過咗火，要收斂吓！」他又「投訴」Sarah：「年幾兩年前，佢開始喺朋友同經理人面前叫我陳生，搞到我好似要話晒事咁！」Sarah聞言即「安撫」他：「我會努力諗第二個暱稱畀你喇！」

未度蜜月先耍花槍

他倆又透露婚期初定今年12月，但鑑於年底有太多電視頒獎禮，故確實日期仍未有定案。談到蜜月，Jason說：「本來想畀個驚喜佢嘅，但要偷到佢本護照先得，佢對於去旅行好濫，好多地方都話想去。」Sarah聞言即說：「我感情唔濫咪得囉！」而向來喜歡小朋友的Jason，聞得獲贊助全家床褥更開心地說：「咁一直生落去都唔係問題啦！」那麼婚後三年抱兩一定唔成問題！

文：影視組