Super Girls近日獲公司批出半個月假，眾成員紛紛出外旅行，只留下Cheronna為舞台劇演出。隊長Aka及Yanny昨日率領師妹陳詩欣出席《樂善堂糖果義賣》，東京旅行返港的Yanny透露與女友人同行，問到有否浸溫泉？她說：「有呀，係要全裸，當地文化好好，同埋間酒店有男女共浴，所以入去浸時望清楚。（身材比下去？）有少少怕醜，同埋我有好深近視，加上滿意自己身材。」

Yanny、Aka剛去完旅行返港，昨日偕師妹陳詩欣出席糖果義賣活動。

她還自爆此行險遺失銀包：「原來漏咗喺便利店個雪櫃入面，因為我哋去過買雪糕。」

澳洲返港的Aka透露在當地食店巧遇歌迷，對方不停向她行注目禮：「佢哋不停望住我，之後我公開網誌留言，話頭先嗰幾個男仔就係佢哋，好開心Super Girls有咁多人認識。」

Aka並大讚當地男士靚仔及主動幫人：「我同細妹、媽咪攞住地圖搵路，有個當地男子主動行埋嚟問有冇嘢幫手。（有冇抄牌？）冇呀！冇下文。」