王氏港建集團主席王忠桐的兒子、現任東華三院總理王賢誌，與鄺祖德認識多年，分屬好友，兩家亦屬世交，對於鄺祖德發聲明，王賢誌坦言感愕然，但力撐好友：「佢之前的確有同一個圈中女藝人拍過拖，佢唔係咁『單調』嘅，但係邊個我當然唔可以講，當時我提醒過佢，叫呢位藝人出嚟幫佢澄清（性取向），但佢話唔想煩到人！但對於佢同慧嫻嘅嘢，我真係有嘢都唔知，因為呢幾個月都冇見過佢，只喺聖誕期間一個Party上面見過慧嫻出現，後來我知佢哋有工作上嘅合作！（就呢個聲明有冇同佢聯絡？）有，佢的確喺法國滑緊雪，因為有時差問題都講唔到咁詳細，但我都好支持佢。」

王賢誌

而著名攝影師戴妮廷對於好友鄺祖德承認曾跟陳慧嫻拍拖，但因年齡差距而拒愛，身在上海的她透過電話表示不知情，在朋友聚會中鄺祖德亦沒有帶慧嫻出來：「我哋間中會一班朋友食飯，但佢從來冇帶過女朋友，反而會帶埋家姐一家。」至於對方的性取向，她稱沒有過問。