周秀娜（Chrissie）、鄭欣宜及文凱玲（Connie）日前為電影《iGirl夢情人》進行宣傳。三人碰面即雞啄唔斷，性感示人的欣宜更不時擺出狂野甫士「搶鏡」。於戲中化身機械女友的她們表示，現實中絕非機械人般「無情」，反而屬「小鳥依人」女友！單身的Chrissie自爆情迷才子：「佢要有才華，可以教我睇到世界更多嘢。」同樣單身的Connie透露在男友面前會「減齡」：「我平時畀人大姐姐嘅感覺，到時會變番妹妹！」欣宜則笑言會不斷撒嬌「嗲爆」男友。談到與子聰飾演情侶，欣宜笑言與他「相逢恨晚」，而多次與何浩文扮演一對的Connie就說：「次次都係同佢一齊。（嫌悶？）唔會，佢都好靚仔。」

鄭欣宜（上）、文凱玲（左）、周秀娜（右）

場地：EMAX