陸詩韻自小愛有養狗，她坦言養過的愛犬中，現時的貴婦狗Kina最黐身，不過令她擔心的是，Kina不怕陌生人，隨時被人抱走亦不足為奇。

陸詩韻

陸詩韻常帶Kina去玩，影相都抱到實。

Kina

Kina躲在「大狗狗」內，好可愛呀！

陸詩韻（Sharon）家有六歲貴婦狗Kina，以前曾養過北京狗和西施狗的Sharon笑言Kina最黐身：「之前唔想咁悶就搵Kina陪我，當時一抱住出世幾個月嘅佢，就已經唔捨得放手，佢好嗲又黐身！」又笑指狗狗不怕陌生人，反令她甚為擔心：「佢就係嗲到咩人都跟又唔吠，隨時畀人抱走咗都唔知！」

遇異性變怕醜妹

但幸好Kina相當「深閨」，Sharon說：「佢有個怪癖就係最鍾意黐住個狗籠。其他狗狗見到籠就避，得佢當個籠係寶！佢幾重『家庭觀念』，直頭『深閨』！我哋日日帶佢出街連狗帶都好少用。就算喺街有異性狗狗聞佢，佢都即刻匿喺我哋後面，真係個怕醜妹！」

同BB爭寵勁惡

然而她表示自從弟婦生B後，Kina不再「萬千寵愛在一身」，故不時發脾氣：「佢冇咁多人理之後性格變惡咗，所以依家我媽咪就一邊抱孫，一邊陪Kina玩。我都盡量同佢玩，當佢小朋友咁湊，依家佢乖番喇！」

文：影視組