胡諾言向來好動，旅行、跑步樣樣啱，感染原本不愛出門的太太陳琪，兩夫婦最近先到大阪度「蜜月」，然後再與兩家親友到首爾旅遊，期間胡仔及陳琪烏龍百出，非常搞笑！

胡仔一家在雪地影合照，相當溫馨。

胡諾言、陳琪

胡仔夫婦發現超抵食和牛，即四眼發光﹗

胡仔與老婆拍拖到環球影城玩得不亦樂乎!

胡諾言與陳琪暫時拋下兩名愛女往大阪旅行，二度蜜月之餘原來另有目的，陳琪笑說：「我哋想帶小朋友去日本旅行好耐，今次去探吓路先，等摸熟咗環境就帶囡囡過去玩。」豈料回程往機場途中，胡仔與陳琪上演一幕「迷失大阪記」﹕「原來大阪一架列車會分開兩截行駛，一截去和歌山、一截去機場。因為語言不通搞唔清楚，我哋喺最後一刻『跳車』，去到機場已經冇乜時間，要行特別通道先上得切飛機，當時我諗如果帶住兩個女會點呢？」

遊首爾變「吳業坤」

至於「首爾行」，兩夫婦於當地聘請司機兼嚮導，省回不少時間，胡仔開心地表示要多謝司機帶他們到地道的地方「覓食」。而一向鍾情跑步的他，更趁機一嘗雪中疾跑的滋味﹕「戴眼鏡同口罩做保護，但啲霧氣令我變咗吳業坤，惟有除咗個眼鏡啦！點知啲風雪入晒眼！」

帶阿爸阿媽玩多啲

陳琪又表示變得喜愛出遊除了受老公感染外，原來還另有原因：「好似今次去首爾，係同我爸媽、老爺奶奶一齊嘅，我覺得要趁佢哋健健康康，同佢哋去玩多啲、體驗多啲，呢種想法係我做咗人媽媽之後先有嘅。」

文：影視組