創作才女江海迦（AGA）日前與師弟周殷廷為《娛樂onShow》擔任嘉賓，期間除分享「那些年」做過的浪漫事外，更大談新歌《Superman》。而最近迷上跑步的她，還分享了早前與張惠雅、徐濠縈及林奕匡等跑馬拉松的趣事！

AGA自認單身，並公開徵求男友。

周殷廷自問怕醜，連告白都要考慮很久。

主持李文珊（右一）請來AGA及周殷廷大談情史。

江海迦（AGA）近日與師弟周殷廷接受東網電視《娛樂onShow》主持李文珊訪問，自稱單身的他倆被問到是否真單身時，異口同聲表示正在「尋人」中，並各自分享為另一半做過的浪漫事，AGA說：「我之前嗰段係Long Distance嘅，好多時都靠書信同字傳情，有一次寫咗365張紙仔放喺筒度寄畀佢！」而自認「怕醜仔」的周殷廷則說：「我嗰時鼓起好大勇氣打電話畀個女仔，我喺個腦度綵排咗好多次，點知一聽原來係個女仔嘅Daddy！」

師弟變心理醫生

AGA找來師弟周殷廷為歌曲《Superman》MV操刀，她透露於拍攝期間，周殷廷化身「心理醫生」輔導她，令她更投入：「因為我同男主角識咗好耐，難啲變成女朋友嗰種甜蜜感，嗰時佢喺旁邊一路同我講：『你試吓幻想吓……』好似心理醫生咁！」

跑馬拉松多蝦碌

另外，愛上跑馬拉松的AGA早前與張惠雅（Regen）和徐濠縈到日本東京參賽，她大談Regen的蝦碌事：「一開始Regen都一路等埋我，但跑跑吓唔見咗佢，又開始冇氣，咁我就好緊張，之後跑到終點，佢又突然出現番，我問佢去咗邊，原來佢唔記得戴Con，跑咗去對面馬路！」並笑指Regen因大頭蝦性格得了一個叫「長期隨處丟」的日本名。想知道更多關於AGA與戰友的趣事，記得留意《娛樂onShow》！

文：專案組

妝髮（AGA）：Gary Sun@Hair Corner、Elaw Wong@thelook-studio.com　

服飾：b+ab　

髮型（周殷廷）：Milk Chan@Xenter　

場地：都會海逸酒店