馮寶寶與方伊琪昨日到旺角出席八珍旗艦店活動，問到哥哥馮克安早前逝世，心情是否已平復？馮寶寶說：「我完全唔去諗，唔想去接受，唔諗就冇嘢。（幫手為哥哥處理身後事？）我啲姪仔、姪女喺度。佢個仔好乖，之前拖住爸爸隻手，陪咗佢大半年，佢有咁孝順嘅仔，我都戥佢開心。（馮克安幾歲？）我諗67歲啩，我都會出席埋（喪禮）先返馬來西亞。」

馮寶寶（左）與方伊琪出席八珍旗艦店活動。

此外，寶寶提到童年時曾為此老字號剪綵：「呢個老字號好長情，今日仲送咗張我1960年剪綵嘅相，相中嘅我表情肉緊，我諗可能係當時把鉸剪未開鋒，剪唔開條綵帶，所以我咁嘅表情。（酬勞計番50年來通脹？）我諗有啩！今次都係被佢哋誠意打動，專程由馬來西亞返香港。」