「宇宙最強」甄子丹與妹夫蔡加讚（Karson）前晚到跑馬地馬場，為首次在香港出戰賽事的愛駒「宇宙車神」打氣，子丹太太汪詩詩、妹妹甄子青及Karson太太汪圓圓均有同行。Karson表示愛駒於去年底購入：「我覺得隻馬幾好，對佢嘅資歷同比賽成績都有研究，佢喺澳洲有跑過第一，今年兩歲左右。佢到咗香港之後我有去探過佢，騎師件戰衣係圓圓設計。」

（左起）蔡加讚、汪圓圓、汪詩詩、甄子丹及甄子青齊齊入馬場睇賽事。

問到可有信心拉頭馬？子丹說：「志在參與，當然有信心，但唔好畀咁大壓力。」而Karson則說：「試吓啦，贏唔贏唔緊要，第一次畀佢跑吓先。」談到愛駒，子丹說：「隻馬就犀利喇！好多肌肉，Fit過我，Karson操得佢好Fit，今晚佢跑前四名都當贏。」至於詩詩和圓圓婉拒受訪，要陪實丈夫入場打氣。他們又獲香港賽馬會行政總裁親自接待，認真有面，可惜「宇宙車神」最終三甲不入。