名模Cara G.與丈夫Jesper、歌手鍾舒漫（Sherman）及師妹許靖韻等前晚出席模特兒活動，Cara以Deep V真空上陣，非常吸睛！已為兩女之母的她自言收身成功，磅數與生孩子前一樣，又透露長女剛兩歲生日，細女則七個月大。問是否準備生第三個？她說：「未住，生第一個好容易，第二個就好辛苦，所以依家唔會生住，不過佢哋真係好可愛！今朝細女喺度彈琴，大女喺隔籬唱歌又玩結他，好似Rock友，好得意！」

Cara G. 爆兩個囡囡在家中玩音樂的趣事。

鍾舒漫自認身高唔夠，做唔到模特兒。

而Sherman自認不夠高，故沒想過當模特兒，許靖韻則表示控制不到飲食，故也不合適，Sherman即踢爆說：「佢好勁，食幾碗飯！」