港姐麥明詩昨午六時現身機場，對於在母校劍橋大學拍攝旅遊特輯時，被指因未有申請而被趕離舞會，她笑說：「嚇親大家，搞到咁多人接機，其實好小事。（被拒絕要離開？）舞會係其中一Part，有向舞會學生會申請，拍咗一個鐘後，怕啲學生玩得唔盡興先走。」

麥明詩表示擔心學生玩得唔盡興才離開舞會，並非被驅趕。

談到被指是「假港姐」及牙齒不夠美，麥明詩表示到當地後即被學生認出，又笑言想搵贊助箍牙。提到男友林作力撐，她笑言非常開心。至於林作被拍到在蘭桂坊夜蒲，更有兩名女友人擔遮，她笑說：「佢同我講唔係我走咗嗰陣影，佢時不時都會出去。（女仔幫佢擔遮？）好過佢幫女仔擔啦！」