劉嘉玲對於杜惠東（杜Sir）的逝世感惋惜和遺憾，希望大家珍惜眼前人，並表示在嘉禾年代已認識對方：「呢排都好多人（去世），大家都要注意身體。」身在上海的洪金寶與杜Sir相識逾四十年，當年於嘉禾電影公司並肩作戰，他對老友的死訊大表難過：「身邊老朋友一個又一個咁離開，人愈大，老朋友好似愈嚟愈少。」他大讚杜Sir當年是非常負責任的宣傳大員，最難得的是位高權重都沒架子，絕不會睇不起人。

劉嘉玲對於杜惠東逝世感惋惜，希望大家珍惜眼前人。

與杜Sir相識逾廿年，在嘉禾年代共事七、八年的惠英紅亦大表惋惜：「聽到消息時都停咗兩秒，最近好多朋友走咗，個心唔舒服。我同杜Sir當年經常出埠工作，佢好照顧身邊嘅人，好似屋企人咁照顧！前年一個半公開場合，我捉住杜Sir手讚佢個女好靚好叻，佢好開心！希望杜如風節哀順變。

吳耀漢與杜Sir自嘉禾年代合作，兩、三年前見過一面，當時杜Sir的狀態欠佳，但大讚他為人樂觀：「第一次喺nowTV節目見到佢個女，我Send Message恭喜佢有個好叻嘅女。」