袁詠儀：「我教仔一定做衰人，個仔特別黐老竇，但好似今日老竇去咗澳門做嘢先黐我，真係懷疑個仔唔鍾意我。教小朋友唔應該分忠同奸，應該用嚴啲同冇咁嚴來形容，但要有角色扮演，有時當朋友傾偈，不過最重要都係家教。」

張繼聰：「我同老婆教小朋友冇分邊個做好人壞人，但唔會體罰，同佢哋講道理，會循循善誘，如果個仔發脾氣，我哋要佢冷靜咗先再同佢傾。」

周家蔚：「我同天明經常掉轉角色，但協議咗一個教仔時，另一半唔可以加把口，如果小朋友做錯要即刻同佢講，臨瞓時再講多一次。」

琦琦：「我比較嚴，阿女同老公講咩，佢咩都答應。阿女真係做得唔啱，我會罰佢冇得玩電話或電腦，佢一知冇電話用佢就知驚，唔會曳！佢咁大個唔會打，細個時曳都係罰佢企牆邊思過。」