《陳慧嫻Priscilla-ism演唱會》圓滿落幕，懷孕4個半月的關心妍與老公捧場。前晚尾場有許志安及草蜢擔任嘉賓，草蜢喚慧嫻做「公主」，慧嫻搞笑以「太監」稱呼草蜢，三子則笑說：「我哋係花仔，細細個就聽你啲歌。」大懵的慧嫻又將蔡一智、蔡一傑兩兄弟調亂，令觀眾大笑，最後慧嫻叫他們做「草先生」。安仔跟慧嫻合唱《女人之苦》，慧嫻自爆陳年舊事，曾在髮型屋講笑叫安仔娶她：「嗰時佢應該未係好識我，佢唔知我鍾意發噏風，佢好認真咁望住我擰頭，佢以為我認真喎！」

草蜢笑稱「公主」，慧嫻以「太監」回應。

慧嫻自爆曾主動求婚，嚇得安仔猛擰頭。

懷孕的關心妍與老公捧場，真係畀面。

慧嫻表示演唱會後會休息十日，又會狂食及狂瞓，問到在台上自爆喜歡有才華的人是誰，她笑言是秘密，又自認會主動出擊：「50歲都仲唔主動？（失過手？）以前從未失過。」